നെടുങ്കണ്ടം: വിനോദസഞ്ചാരകേന്ദ്രമായ രാമക്കൽമേട്ടിൽ എൻഎസ് എസ് വോളണ്ടിയർമാർ ശുചീകരണം നടത്തി. തമിഴ്നാടിന്റെ അധീനതയിലുള്ള ഉത്തമപാളയം ഫോറസ്റ്റ് റേഞ്ചിൽപെട്ട സ്ഥലത്താണ് ജവഹർലാൽ നെഹ്റു ഇൻസ്റ്റിറ്റ്യൂട്ട് ഓഫ് ആർട്സ് ആന്ഡ് സയൻസിലെ എൻഎസ്എസിന്റെ നേതൃത്വത്തിൽ ശുചീകരണയജ്ഞം നടത്തിയത്.
200 കിലോയിലധികം പ്ലാസ്റ്റിക് മാലിന്യം നീക്കം ചെയ്തു. പ്ലാസ്റ്റിക് കുപ്പികൾ, കവറുകൾ തുടങ്ങിയ മാലിന്യങ്ങളാണ് ശേഖരിച്ചത്. ശുചീകരണത്തോടൊപ്പം പ്ലാസ്റ്റിക് മലിനീകരണത്തിന്റെ ദോഷങ്ങളെക്കുറിച്ച് ബോധവത്കരണവും നടത്തി.
എൻഎസ്എസ് ജില്ലാ കോ-ഓർഡിനേറ്റർ ജിബിൻ ജോസഫ് നേതൃത്വം നൽകി. ടൂറിസ ഡെവലപ്മെന്റ് സൊസൈറ്റി പ്രസിഡന്റ് സാബു രാമക്കൽമേട് ഉദ്ഘാടനം ചെയ്തു.
Deepika
E-paper LOGIN
LOGIN